एसिसी महिला एसिया कप क्रिकेटका लागि प्रारम्भिक टोली घोषणा
काठमाडौँ । नेपाल क्रिकेट संघ (क्यान) ले एसिसी महिला एसिया कप क्रिकेटका लागि प्रारम्भिक टोली घोषणा गरेको छ ।
क्यानले आज इन्दु बर्माको कप्तानीमा २८ सदस्यीय प्रारम्भिक टोली सार्वजनिक गरेको हो ।
एसियाली क्रिकेट काउन्सिल (एसिसी) को आयोजनामा महिला एसिया कप जुलाई १९ देखि २८ सम्म श्रीलङ्कामा हुँदैछ ।
प्रतियोगिताको समूह ‘ए’ मा नेपाल, भारत, पाकिस्तान र युएई छन् । यस्तै समूह ‘बी’ मा आयोजक श्रीलङ्का, बङ्गलादेश, मलेसिया र थाइल्यान्ड छन् ।
नेपालले जुलाई १९मा पाकिस्तानसँग खेल्दै नेपालले प्रतियोगिताको सुरुआत गर्नेछ । यसैगरी, नेपालले जुलाई २१ मा युएई र २३ मा भारतको सामना गर्नेछ ।
प्रतिक्रिया राख्नुहोस्