ढुङ्गाले लागेर बालिकाको मृत्यु
बागलुङ । बागलुङको गलकोट नगरपालिका–१ दुदिलाभाटीमा ढुङ्गाले लागेर एक बालिकाको मृत्यु भएको छ ।
शनिबार करिब १० बजे दुदिलाभाटीमा डिल बहादुर भण्डारीको ७ वर्षीया छोरी आरोहीको केहीमाथि काम गरिरहेको जेसिबीबाट खसेको ढुङ्गाले लागेर घटनास्थलमै मृत्यु भएको हो ।
जेसिबीले फोडिरहेको ढुङ्गा उछिट्टिएर झण्डै १ सय मिटर तल पुग्दा बाटोमा हिँडिरहेकी बालिकालाई लागेर घटनास्थलमै मृत्यु भएको जिल्ला प्रहरी कार्यालय बागलुङका प्रहरी उपरिक्षक योगेन्द्र कुमार खड्काले जानकारी दिनुभयो ।
बा १ क ४९०९ नम्बरका जेसिबी चालक सिन्धुपाल्चोक इन्द्रावती गाउँपालिकाका सुजन माझीलाई नियन्त्रणमा लिई अनुसन्धान भइरहेको प्रहरीले जनाएको छ ।
प्रतिक्रिया राख्नुहोस्