पाँचथरमा हाडजोर्नी अप्रेसन शिविरबाट १ सय ८ जनाले लिए सेवा
पाँचथर । पाँचथरको फिदिममा आयोजित हाडजोर्नी अप्रेसन शिविरबाट १ सय ८ जनाले अप्रेसन सेवा लिएका छन् ।
फिदिम नगरपालिकाको आयोजनामा नेपाल माउण्टेन मोबाइल हस्पिटल बेल्जियम र सोलुखुम्बु पोलिटेक्निकल एकेडेमीको प्राविधिक सहयोगमा पाँचथर जिल्ला अस्पताल फिदिममा दुई चरण गरि शिविर सम्पन्न भएको छ ।
शिविर पहिलो चरण मङ्सिर १३ देखि १७ र दोस्रो चरणमा मङ्सिर २५ देखि २९ गते सम्म गरी जम्मा १० दिन सञ्चालन भएको थियो ।
शिविरमा बेल्जियमका एकसहित आठ जना चिकित्सकले हाडजोर्नीको अप्रेसन गर्नुभएको फिदिम नगरपालिकाका प्रमुख मित्रप्रसाद काफ्लेले बताउनुभयो ।
शिविरमा चेकजाँच २ सय २६ जना र हाडजोर्नी अप्रेसन १ सय ८ जनाले सेवा लिएका छन् ।
शिविरमा पाँचथरसहित तेह्रथुम र ताप्लेजुङका नागरिकले समेत सेवा लिएका थिए ।
प्रतिक्रिया राख्नुहोस्