२०७८ साल असार १० गते बिहीबार

तपाईँ सुन्दै हुनुहुन्छः

छाङरुमा बीओपी बनाइने, २५ सशस्त्र प्रहरी खटाइँदै

रेडियो नेपाल २०७७ वैशाख २९ गते १४:१६

दार्चुला। भारतले नेपाली भूमि कालापानी, लिपुलेक हुदै चीनसंग सीमाना जोड्ने गरी सडक निर्माण गरेपछि सरकारले तत्काल व्याँसको छाङरुमा सशस्त्र प्रहरी निरीक्षकको नेतृत्वमा २५ जना सशस्त्र प्रहरी खटाउने भएको छ । बुधबारसम्म कालापानी क्षेत्र छाङरुमा सशस्त्र प्रहरीको बिओपी स्थापना गर्ने गरी तयारी अन्तिम चरणमा पुगेको डिएसपी डम्बरबहादुर बिष्टले जानकारी दिनुभयो ।
सन १९९९ देखि भारतले चीन जोड्ने उद्धेश्यले तावाघाटदेखि सडक निर्माण थालेको थियो । सन २०१५ मा भारत र चीनबिच लिपुलेकलाई व्यापारिक केन्द्र बनाउने सहमति भएपछि यो सडकलाइ भारतले प्रार्थमिकताका साथ निर्माण गरेको छ । भारतले उक्त सडकलाई तिब्रता दिन अन्तराष्ट्रिय कानुन र नेपालको सहमति विपरित दुई वर्षदेखि तम्बाकु, घाटिबगर लगायत नेपाली भूमिमा सडक र काठेपुल निर्माण गरेर स्काभेटर र मजदुरलाई आवतजावत गराउदै आएको थियो ।
अहिले दार्चुलाको उत्तरी सीमा क्षेत्र मानबबस्ती विहिन छ । सीमा जोड्ने सडक निर्माणमा भएको ढिलाई र राज्यको कमजोर उपस्थितिको मौका छोपेर भारतले सीमा अतिक्रमण गर्दै आएको छ । सके कुटनीतिक माध्यमबाट नभए अन्तरराष्ट्रिय अदालत गएर भएपनि नेपालले अतिक्रमित भूमि फिर्ता गर्नुपर्ने र सीमा क्षेत्रसम्म तत्काल सडक र सुरक्षा उपस्थिति गराउनुपर्ने स्थानीयको माग छ ।

सम्बन्धित