तपाईँ सुन्दै हुनुहुन्छः

अधिकार सम्पन्न भूमि आयोग गठन हुन्छ: मन्त्री अधिकारी

सङ्खुवासभा । भूमि व्यवस्था, सहकारी तथा गरिबी निवारणमन्त्री बलराम अधिकारीले अधिकार सम्पन्न भूमि आयोग गठन हुने बताउनुभएको छ । 

जिल्ला मालपोत कार्यालय खाँदवारिको आज भवन उद्घाटन गर्नुहुँदै मन्त्री अधिकारीले भूमिहीन र सुकुम्बासीको समस्या दुई वर्षभित्र समाधान गर्ने प्रतिबद्धता जनाउनुभयो । यही महिना भित्रै भूमि आयोग गठन गर्ने उहाँको भनाइ थियो । 

“मङ्सिर महिना भित्र सबै जिल्लामा भूमि आयोग गठन गरिसक्छौँ”, उहाँले भन्नुभयो । प्रदेश र स्थानीय तहसँग समन्वय गरेर सबै भूमिहीनलाई जग्गा उपलब्ध गराउने उहाँले उल्लेख गर्नुभयो । गरिबी निवारणलाई सरकारको उच्च प्राथमिकतामा राखेको मन्त्री अधिकारीको भनाइ थियो ।

लामो समयसम्म जमिन भोग गर्दै आए पनि लालपुर्जाविहीन भएर बस्नुपर्ने अवस्थाको अन्त्य गर्न सरकार लागिपरेको उहाँले बताउनुभयो । जिल्ला मालपोत कार्यालयको भवन रु दुई करोड २० लाखको लागतमा निर्माण सम्पन्न भएको हो । 

प्रतिक्रिया राख्नुहोस्

Back to top button