बागमती प्रदेशको दोस्रो आवधिक योजना स्वीकृत 

मकवानपुर । बागमती प्रदेश सरकारको दोस्रो आवधिक योजना स्वीकृत भएको छ । शुक्रवार बिहान बसेको  मन्त्री परिषद्को बैठकले प्रदेशको दोस्रो आवधिक योजना २०८१/८२ देखि २०८५/८६ स्वीकृत गर्ने निर्णय गरेको सरकारका प्रवक्ता एवम् आन्तरिक मामिला तथा कानुन मन्त्री गङ्गानारायण श्रेष्ठले जानकारी दिनुभयो । 

त्यस्तै मन्त्रिपरिषद् बैठकले मकवानपुर जिल्लामा प्रदेश अस्पताल स्थापना गर्ने निर्णय गरेको छ । स्वास्थ्य मन्त्रालयको सिफारिसमा मकवानपुर जिल्लामा प्रदेश अस्पताल स्थापना गर्ने निर्णय गरेको उहाँले बताउनुभयो । 

त्यसैगरी बैठकले प्रदेश स्वास्थ्य नीति २०८१ र आयुर्वेदिक औषधि उत्पादन संहिता र आयुर्वेद औषधिको लेबल डिजाइन स्वीकृत गर्ने निर्णय गरेको सरकारका प्रवक्ता श्रेष्ठले बताउनुभयो ।