पोखरामा प्रदेश स्तरीय पुरुष तथा महिला बास्केटबल प्रतियोगिता सुरु
![](https://onlineradionepal.gov.np/wp-content/uploads/2024/05/54eca746-f92d-4a4d-94e2-ec1517d14d21-1024x576.jpg)
पोखरा । पोखरामा प्रदेश स्तरीय पुरुष तथा महिला बास्केटबल प्रतियोगिता सुरु भएको छ ।
प्रदेश खेलकुद परिषद् गण्डकीको आयोजनामा गण्डकी प्रदेश बास्केटबल सङ्घको सञ्चालन तथा व्यवस्थापनमा आजदेखि सुरु भएको उक्त खेलको उद्घाटन खेलमा कास्कीले विजयी सुरुवात गरेको छ ।
पोखरा रंगशालाको बास्केटबल कोर्टमा आज भएको उद्घाटन खेलमा कास्कीले लमजुङलाई पराजित गरी विजयी सुरुवात गरेको हो ।
![](https://onlineradionepal.gov.np/wp-content/uploads/2024/05/6b536078-20f3-4022-af00-9bba7b15e601-1024x576.jpg)
यसअघि उक्त प्रतियोगिताको उद्घाटन गण्डकी प्रदेश सरकारका भौतिक पूर्वाधार बिकास तथा यातायात व्यवस्था मन्त्री राजीव गुरुङले रेफ्रिलाई बल हस्तान्तरण गरी गर्नुभयो ।
प्रतियोगितामा पुरुषतर्फ ८ र महिलातर्फ ६ जिल्लाको सहभागिता रहेको महासचिव बिष्णु बहादुर गुरुङले जानकारी दिनुभयो । शनिबारसम्म चल्ने प्रतियोगिताबाट दशौँ राष्ट्रिय खेलकुदको लागि खेलाडीहरू समेत छनौट गरिने भएको संघ प्रदेशका उपाध्यक्ष किरण सापकोटाले बताउनुभयो ।
![](https://onlineradionepal.gov.np/wp-content/uploads/2024/05/7c2f789e-80d5-48dd-8324-1b9b7d3d5878-1024x576.jpg)
नेपाल भलिबल संघका सल्लाहकार एवं टाइगर ग्रुप अफ पोखराका अध्यक्ष नारायण प्रसाद शर्माले उक्त बास्केटबल कोर्टलाई अब ईण्डोरकोर्ड बनाउनुपर्नेमा जोड दिनुभयो । उहाँले उक्त परियोजनाको लागि करिब ३० लाख बजेट आवश्यक हुने बताउनुभयो ।
प्रतिक्रिया राख्नुहोस्