हेटौँडा-काठमाडौँ सडक पहिरोले अवरुद्ध
हेटौँडा । अविरल वर्षाका कारण आएको पहिरोले हेटौँडा-ठिंगन काठमाडौँ जोड्ने कान्तिलोकपथ सडक पूर्ण रूपमा अवरुद्ध भएको छ।
मकवानपुरको बकैया गाउँपालिका वडा ११ स्थित आँपचौर र लाम्राङमा पहिरो खस्दा शुक्रबार दिउँसो करिब २:३० बजेदेखि सडक अवरुद्ध रहेको स्थानीय प्रहरीले जानकारी दिएको छ।
जिल्ला प्रहरी कार्यालय मकवानपुरका अनुसार पहिरो पन्छाउने कार्यका लागि सम्बन्धित निकायहरूसँग समन्वय भइरहेको छ। तर, पहिरोको मात्रा र प्रकृति हेर्दा आजै बाटो खुलाउने सम्भावना न्यून रहेको प्रहरीले जनाएको छ।
सडक विभाग तथा फास्ट ट्र्याक आयोजनासँग समन्वय गरी पहिरो पन्छाउने कार्य भइरहेको प्रहरीले बताएको छ।
प्रतिक्रिया राख्नुहोस्