विराटनगरमा श्रीमद् देवी भागवत नवाह ज्ञान महायज्ञ हुने

विराटनगर । विराटनगर महानगरपालिका–४ मा श्रीमद् देवी भागवत नवाह ज्ञान महायज्ञ हुने भएको छ । 

श्री विन्ध्यावासिनी दुर्गा पाञ्चायन मन्दिर व्यवस्थापन समिति खार्जी विराटनगरको आयोजनामा मङ्सिर २६ गते मङ्गलवारदेखि पौष ५ गते बिहीबारसम्म श्रीमद् देवी भागवत नवाह ज्ञान महायज्ञ हुने भएको हो । 

विराटनगर महानगरपालिका वडा नंं ४ खार्जी कोहवराचौकबाट ५ सय मिटर पश्चिम रहेको श्री विन्ध्यावासिनी दुर्गा पाञ्चायन मन्दिरमा श्रीमद् देवी भागवत नवाह ज्ञान महायज्ञमा भागवत मञ्जरी श्री राधिका दासीले कथा वाचन गर्नुहुने कार्यक्रम रहेको आयोजकले जनाएको छ । 

नवाह ज्ञान महायज्ञबाट प्राप्त सहयोगबाट निर्माणाधीन रहेको विन्ध्यावासिनी दुर्गा पाञ्चायन मन्दिरको भवनलाई पूर्णता दिने महायज्ञको मुख्य उद्देश्य रहेको श्रीमद् देवी भागवत नवाह ज्ञान महायज्ञका प्रचार प्रसार संयोजक कृष्ण कोटाली नेपालले जानकारी दिनु भयो ।

राधिका दासीले विराटनगरमा पहिलो पटक कथा वाचन गर्ने भएकाले नवाह ज्ञान महायज्ञमा श्रद्धालु भक्तजनहरूलाई उपस्थितिका लागि आयोजकले अनुरोध गरेको छ ।