रेडियो नेपाल र स्टाफ कलेजका प्रशिक्षार्थीबिच अन्तरक्रिया

काठमाडौँ I नेपाल प्रशासनिक प्रशिक्षण केन्द्र, स्टाफ कलेजका प्रशिक्षार्थीहरूले आज रेडियो नेपालको अवलोकन गरी रेडियो नेपालको व्यवस्थापनसँग अन्तरक्रिया गर्नुभएको छ ।

त्यस अवसरमा रेडियो नेपालका कार्यकारी निर्देशक बुद्धि बहादुर केसीले रेडियो नेपालको समग्र पक्षबारे प्रशिक्षार्थीहरूलाई जानकारी गराउँदै रेडियो नेपाललाई अझ बढी व्यावसायिक र भरपर्दो सञ्चार माध्यमको रूपमा अघि बढाउँदै जाने बताउनुभयो ।

अन्तरक्रियामा सहभागी प्रशिक्षार्थीहरूले रेडियो नेपाललाई अझै विश्वसनीय बनाउन विभिन्न सुझाव दिनुभयो । उहाँहरूले राख्नुभएको जिज्ञासाको कार्यकारी निर्देशक केसीले जवाफ दिनुभयो ।