‘युवा र नवप्रवर्तन’ विषयक वक्तृत्वकला आयोजना

दोलखा । जिल्ला युवा समिति दोलखाले सदरमुकाम चरिकोटमा जिल्ला स्तरीय खुला वक्तृत्वकला प्रतियोगिता आयोजना गरेको छ । ‘युवा र नवप्रवर्तन’ शीर्षकमा आयोजना गरिएको प्रतियोगितामा सहिद स्मृति आवासीय मावि जिरीकी मेलिशा ढुङ्गेल प्रथम भएकी छन् ।

जिल्लाभरिका २० जनाको सहभागिता रहेको प्रतियोगितामा पशुपति कन्या मन्दिर मावि चरिकोटकी विपना नेपाली द्वितीय र मेलुङ गाउँपालिकाका सुदिप कुमार कार्की तृतीय भएका छन् । विजयी प्रतियोगीहरूलाई जिल्ला समन्वय समिति दोलखाका प्रमुख बर्जूराम घतानीले क्रमशः १५ हजार, १० हजार र पाँच हजार नगद सहित प्रमाणपत्र प्रदान गर्नुभयो ।