बीरगञ्ज यूनाईटेड क्लबले बागमती युवा क्लबलाई हराउँदै क्वाटरफाइनलमा

बारा । बीरगञ्ज यूनाईटेड क्लबले बागमती युवा क्लबलाई हराउँदै बाराको सिमरामा जारी जगदम्बा १३ औँ जीतपुरसिमरा गोल्डकपको क्वाटरफाइनलमा प्रवेश गरेको छ । 

बीरगञ्ज यूनाईटेड क्लबले बागमती युवा क्लबलाई ३–० ले हराएको हो ।

वीरगञ्जको जीतमा विवेक चौधरीले दुई र कृपा चौधरीले एक गोल गर्नुभएको थियो । 

वीरगञ्जको जितमा दुई गोल गरेका विवेक चौधरी खेलको म्यान अफ दि म्याच घोषित भएका छन् । उनले १० हजार नगद र ट्रफी हात पारेका छन् । 

भरतपुरले उद्घाटन खेलमा आयोजकलाई पराजित गर्दै क्वाटरफाइनलमा आफ्नो  स्थान सुरक्षित बनाइसकेको छ  ।