बाजुरा प्रदेश सभा(ख)मा कांग्रेसका शाही विजयी
बाजुरा।बाजुराको प्रदेश निर्वाचन क्षेत्र (ख)मा गठबन्धनका साझा उम्मेदवार नेपाली कांग्रेसका पदम बहादुर शाहि विजयी हुनुभएको छ।
कुल ३९हजार १सय अन्ठाउन्न मत खसेको निर्वाचन क्षेत्र ख मा मतगणनाको प्रारम्भिक चरण बाटै अग्रता कायम गर्नुभएका शाहिले २०हजार १ सय १९ मत प्राप्त गरि विजयी हुनुभएको हो ।उहाँका निकटतम प्रतिद्वन्द्वी नेकपा एमालेका उम्मेदवार लाल बहादुर थापाले १७हजार ५सय २१मत प्राप्त गर्नुभएको छ।शाही र थापा बिचको मतान्तर दुई हजार पाँच सय ९८ रहेको छ।
त्यस्तै राष्ट्रिय प्रजातन्त्र पार्टीका उम्मेदवार हिमाल शाहिले भने एक सय ५५मत प्राप्त गर्नुभएको छ।प्रदेश निर्वाचन क्षेत्र(ख) मा नेपाली कांग्रेस,माओवादी केन्द्र र एकीकृत समाजवादी बिच गठबन्धन भएको थियो। निकटतम प्रतिद्वन्द्वी लाल बहादुर थापा २०७४को चुनावमा प्रतिनिधि सभामा निर्वाचित हुनुभएको थियो।प्रतिनिधि सभा एक र प्रदेश सभा दुई रहेको बाजुरामा प्रदेश सभा क एकीकृत समाजवादीका नरेश कुमार शाही र हिजो नै विजयी भइसक्नु भएको छ भने प्रतिनिधि सभामा कांग्रेसका बद्री प्रसाद पाण्डेले अग्रता कायमै राख्नु भएको छ।
प्रतिक्रिया राख्नुहोस्