इटालीको दक्षिणी टापुमा पहिरोमा परी सात जनाको मृत्यु
काठमाडौं । इटालीको दक्षिणी टापु इस्कियामा निरन्तरको वर्षा पछि गएको पहिरोमा परी कम्तीमा सात जनाको मृत्यु भएको छ ।
पहिरोमा परी पाँच जना बेपत्ता भएका अन्तर्राष्ट्रिय समाचार संस्था रोयटर्सले उल्लेख गरेको छ ।
इस्कियाको सबै भन्दा ठूलो पहाडबाट पहिरो झरी तल सहरमा रहेका घरहरू पुरेको रोयटर्सले जनाएको छ ।
पुरिएकाको खोजी कार्य र उद्धार जारी रहेको त्यहाँको प्रहरीले बताएको छ ।
पर्यटकीय नगरी इस्कियामा विगत केही दिन देखी अधिक वर्षा भइरहेको छ ।
प्रतिक्रिया राख्नुहोस्