मनास्लु हिम पहिरोमा एक जनाको मृत्यु, विदेशी नागरिक बेपत्ता
गोरखा । मनास्लु हिमालको समिटमा पुगेका एक जना विदेशी नागरिक चिप्लिएर बेपत्ता भएका छन् । अमेरिकी स्की आरोही हिलारी नेल्सन मनास्लुमा बेपत्ता भएका हुन् ।
हिउँ पहिरोमा परी एक जनाको मृत्यु भएको छ । मृत्यु हुने सङ्खुवासभा जिल्ला मकालु गाउँपालिकाका अनुप राई हुन् । उनी सतोरी एडभेन्चरबाट आएका थिए ।
सख्त घाइते दुई जनालाई उद्धार गरी काठमाडौँ लगिएको छ । उनीहरू एक जना पाकिस्तानी नागरिक र एक जना शेर्पा रहेका पर्यटन विभाग आरोहण दलकी अधिकृत यशोदा अर्यालले जानकारी दिनुभयो ।
घाइतेहरू १२ जनाको अवस्था खतरामुक्त रहेको र उनीहरू तेस्रो बेसक्याम्प रहेका छन् । ८ हजार १ सय ६३ मिटर उचाइको उक्त हिमालको ४८ सय मिटर उचाइमा रहेको आधार शिविरमा रहेका सबै सकुशल रहेको र उहाँहरू समिटतर्फ अघि बढेको उहाँले बताउनुभयो ।
मनास्लु आरोहणका लागि ९७ जना महिलासहित ४०४ जनाले अनुमति लिएका थिए ।
प्रतिक्रिया राख्नुहोस्