राष्ट्रिय सभा बैठक : सार्वजनिक ऋण व्यवस्थापन विधेयक सर्वसम्मपतिले स्वीकृत

काठमाडौं । राष्ट्रिय सभाको आजको बैठकले अर्थमन्त्री जनार्दन शर्माका तर्फबाट कृषि तथा पशुपंक्षी विकास मन्त्री मृगेन्द्रकुमार सिंह यादवले प्रस्तुत गर्नुभएको प्रतिनिधिसभाबाट सन्देशसहित प्राप्त बीमा विधेयक २०७५ र सार्वजनिक ऋण व्यवस्थापन विधेयक २०७६ लाई सर्वसम्मपतिले स्वीकृत गरेको छ ।

बैठकमा विधायन व्यवस्थापन समितिका सभापति डा वेदुराम भुसालले पशु स्वास्थ्य तथा पशु सेवा परिषद् विधेयक २०७६ सम्बन्धी समितिको प्रतिवेदन सभा समक्ष पेश गर्नुभयो ।

त्यसैगरी राष्ट्रियसभाका सचिव राजेन्द्र फयाँलले प्रतिनिधिसभाबाट सन्देशसहित प्राप्त केही नेपाल ऐनलाई संशोधन गर्न बनेको विधेयक २०७९ सभासमक्ष टेवल गर्नुभयो ।

बैठकमा राष्ट्रियसभाका अध्यक्ष गणेशप्रसाद तिमल्सिनाले राष्ट्रपति कार्यालयबाट विभिन्न विधेयक प्रमाणिकरणसम्बन्धी प्राप्त पत्र पढेर सुनाउनुभयो ।राष्ट्रियसभाको अर्को बैठक भदौ ३० गते दिउँसो २ः५९ मा बस्नेछ ।