भियतनामको हो ची मिन्ह  सिटी स्थित एक भवनमा आगलागी हुँदा कम्तीमा ३२ जनाको मृत्यु

काठमाडौं । भियतनामको दक्षिणी सहर हो ची मिन्ह  सिटी स्थित एक भवनमा आगलागी हुँदा कम्तीमा ३२ जनाको मृत्यु भएको छ ।

आगलागी सो भवनको माथिल्लो तल्लामा भएको कारण मानिसहरू फसेका र मृतकको सङ्ख्या बढेको त्यहाँको प्रहरीलाई उद्धृत गर्दै बिबिसीले जनाएको छ ।

आगलागीबाट बच्न मानिसहरूले भवनको दोस्रो र तेस्रो तल्लाबाट फाल हालेका र घाइते भएका बिबिसीले उल्लेख गरेको छ ।

आगलागीको कारण हाल सम्म यकिन नभएको सञ्चार माध्यमहरूले जनाएका छन् ।