१८ किलोमा पहिरो जाँदा नारायणगढ मुग्लिन सडक अवरुद्ध

चितवन । भरतपुर महानगरपालिका वडा नम्बर २९ स्थित१८ किलोमा पहिरो जाँदा नारायणगढ मुग्लिन सडक खण्ड अवरुद्ध भएको छ ।

आज बिहान करिब ८ बजे रातोमाटो सहितको पहिरो खसेपछि दुईतर्फी रुपमा अवरुद्ध भएको जिल्ला ट्राफिक कार्यालय, चितवनले जानकारी दिएको छ । हाल सडक डिभिजन कार्यालय र ट्राफिक प्रहरीको समन्वयमा पहिरो पन्छाउने काम भइरहेको छ ।

अविरल बर्षाका कारण पहिरो पन्छाउन कठिन भइरहेको र लेदो सहितको पहिरो झरिरहेको ट्राफिक प्रहरी कार्यालय प्रमुख धर्म बहादुर अधिकारीले जानकारी दिनुभयो ।