लागू औषधसहित दुई जना पक्राउ 

कञ्चनपुर । कञ्चनपुरको बेलौरीबाट लागू औषधसहित दुई जनालाई प्रहरीले पक्राउ गरेको छ । 

अवैध लागू औषध खैरो हेरोइन २ ग्राम ७८ मिलिग्राम सहित कैलालीको धनगढी उपमहानगरपालिका वडा नम्बर १ पुष्पलालचोक बस्ने ३२ वर्षीय हरिस खड्का र २७ वर्षीय विवेक बराललाई बेलौरी नगरपालिका वडा नम्बर ६ प्रेमनगरबाट प्रहरीले पक्राउ गरेको हो । 

से ३ प ५६६६ नम्बरको मोटरसाइकलमा सवार उनीहरूलाई इलाका प्रहरी कार्यालय बेलौरीबाट खटिएको प्रहरी टोलीले शङ्का लागी चेकजाँच गर्दा खल्ती भित्र कालो प्लाष्टिकको थैली भित्र लुकाई छिपाई गरी राखेको अवस्थामा उक्त लागू औषध सहित फेला पारी पक्राउ गरेको जिल्ला प्रहरी कार्यालय कञ्चनपुरका प्रहरी निरीक्षक भरत राज गिरीले बताउनुभयो । 

यस सम्बन्धमा थप अनुसन्धान गरिरहेको प्रहरीले जनाएको छ ।