महिलाहरूका लागि खोजमूलक तीन दिने पत्रकारिता तालिम सुरु

बारा । पत्रकारिता क्षेत्रमा महिलाको सङ्ख्या वृद्धि गर्ने उद्देश्यले बाराको कलैयामा खोजमूलक पत्रकारिता तालिम सुरु भएको छ ।

साझेदारी राष्ट्रिय दैनिकको आयोजना र प्रेस युनियन नेपाल बाराको सहकार्यमा तिन दिने खोजमूलक पत्रकारिता सुरु भएको साझेदारी राष्ट्रिय दैनिकका प्रकाशक श्याम बाबु यादवले जानकारी दिनुभयो ।

साझेदारी राष्ट्रिय दैनिक पत्रिकाको ८ औँ वार्षिकोत्सवको अवसरमा बाराको कलैयामा पत्रकारिता तालिम सुरु भएको हो ।

तीन दिने पत्रकारिता तालिमको उद्घाटन कलैया उपमहानगरपालिकाको नगर प्रमुख विनोद साहले गर्नुभएको थियो ।

तालिममा बाराका विभिन्न क्षेत्रबाट ५५ महिला पत्रकारहरू सहभागी छन् । सहभागीहरूलाई डा.शोभाकर पराजुली, अग्रज पत्रकार गुरु प्रसाद गौतम, सुजित अर्याल, सन्तोष पाण्डे लगायतले प्रशिक्षण दिइरहनुभएको छ ।