लोहारको ‘राजकुमार’ बजारमा

काठमाडौँ । पदम लोहारको प्रस्तुतिमा ‘राजकुमार’ बोलको गीत सार्वजनिक भएको छ । पदमकै लेखन र सत्य–स्वरूपको सङ्गीत रहेको यस गीतमा प्रसिद्ध गायक तथा सङ्गीतकार सत्यराज आचार्यले आवाज दिनुभएको छ । 

गीतलाई गोपाल रसाइलीले सङ्गीत संयोजन गर्नुभएको हो । गीतको रेकर्डिङ राजेश श्रेष्ठले गर्नुभएको हो भने मिक्सिङ्ग अनि मास्टरिङ्ग चाहिँ किशोर थापाले गर्नुभएको हो ।  वेस्टर्न कलरमा आधारित स्लो रक प्याटर्नको गीतलाई म्युजिक भिडियो सहित तयार पारिएको छ । जसलाई तोसित घतानीले निर्देशन गर्नुभएको हो ।

भिडियोमा स्वयं सत्यराज आचार्य र अभिनेत्री रिमा मिधुन मगर र सृजन भट्टराईले अभिनय गर्नुभएको छ ।  रन्जन महतको छायाङ्कन अनि निर्देशक तोसितकै सम्पादन रहेको भिडियोको रङ्ग संयोजन विप्लव गौलीले गर्नुभएको छ ।  भिडियोलाई सत्य–स्वरूप युट्युब च्यानलबाट सार्वजनिक गरिएको छ ।