काँग्रेसले सय सीट पाउनु पर्छ : नेता कोइराला
चितवन । नेपाली काँग्रेसका नेता शशांक कोइरालाले आगामी संघको निर्वाचनमा सय सिट पाउनु पर्ने दाबी गर्नुभएको छ ।
आज उहाँले भरतपुर विमानस्थलमा पत्रकारहरुसंँग कुरा गर्दै सत्य र यर्थातको आधारमा नै काँग्रेसले सय सिट माग गरेको बताउनु भयो ।
‘स्थानीय निर्वाचन विजयको आधारमा काँग्रेसले सय सीट पाउनुपर्दछ, उहाँले भन्नुभयो, सत्यको आधारमा काँग्रेसले कम्तीमा सय सिट नभएपनि नेगोसियसनमा ९५ सिट हामीले पाउनु पर्दछ ।’ अन्य दलको अस्तित्व नरहेको भन्दै उहाँले उनीहरूले सत्यको आधारमा निर्णय गर्नुपर्ने बताउनु भयो । सिटको भागवण्डा नमिल्दा गठबन्धन निरन्तर जाला त भन्ने प्रश्नमा उहाँले भन्नुभयो, ‘मान्नै पर्छ, अन्य विकल्प नै छैन ।’ कतिपय ठाउँमा गठबन्धनको अस्तित्व नरहेको कारण पनि काँग्रेसले सय सिट पाउनु पर्ने उहाँको भनाई थियो ।
प्रतिक्रिया राख्नुहोस्