२०७९ साल असोज १९ गते बुधबार

तपाईँ सुन्दै हुनुहुन्छः

प्रतिनिधिसभा बैठक

नागरिकता विधेयक माथिको छलफल जारी

अर्जुन श्रेष्ठ /विद्याप्रसाद उपाध्याय २०७९ भदौ २ गते १३:०८

काठमाडौँ । प्रतिनिधिसभाको आजको बैठकमा नागरिकता विधेयक, २०७९ माथिको छलफल जारी छ । 

बैठकमा प्रतिनिधिसभाबाट पारित भएर प्रमाणीकरणका लागि राष्ट्रपति कार्यालय पठाइएको नेपाल नागरिकता (पहिलो संशोधन) विधेयक राष्ट्रपतिबाट फिर्ता भएपछि पुनः छलफल सुरु भएको हो । 

बैठकमा प्रमुख प्रतिपक्ष दलका सांसदहरुले विधेयकलाई सहमतिका आधारमा पारित गरिनुपर्ने बताउनुभयो । 

सांसदहरुले राष्ट्रपतिबाट पुनर्विचारका लागि पठाइएका बुँदाहरू सहमतिका आधारमा संशोधन गरिनुपर्ने बताउनुभयो । 

यसैगरी सत्तापक्षका सांसदहरुले नागरिकता विधेयकलाई राजनीतिक मुद्दा नबनाई सहमतिमा पारित गरिनुपर्ने धारणा राख्नुभयो । 

सांसदहरुले नागरिकताबाट वञ्चित भएका नेपालीलाई समेट्न अहिलेको विधेयकलाई पारित गर्नुको विकल्प नरहेको बताउनुभयो । 

बैठकमा यसअघि, प्रधानमन्त्री शेरबहादुर देउवाका तर्फबाट गृहमन्त्री बालकृष्ण खाँणले राष्ट्रिय महिला आयोगको चौधौँ वार्षिक प्रतिवेदन (२०७७ श्रावण – २०७८ आषाढ)” पेश गर्नुभएको थियो । 

यसैगरी सभामुख अग्निप्रसाद सापकोटाले प्रतिनिधिसभाको १०भन्दा बढी बैठकमा अनुपस्थित हुने सांसदहरूको अनुपस्थितिको सूचना सभामा पेश गर्नुभएको थियो । 

सम्बन्धित