चट्याङ लागेर बारामा एक युवकको मृत्यु
बारा । चट्याङ लागेर बारामा एक युवकको आज मृत्यु भएको जिल्ला प्रहरी कार्यालय बाराले जनाएको छ ।
मृत्यु हुनेमा सुवर्ण गाउँपालिका वडा नं ७ टोल सन्फुलवाका अन्दाजी वर्ष २१ को धीरज कुमार यादव रहेको प्रहरी प्रवक्ता राजेश थापाले जानकारी दिनुभयो । खेतमा काम गर्न गएको बेला चट्याङ लागेर यादवको दिउसो १ बजेतिर मृत्यु भएको प्रवक्ता थापाले भन्नुभयो ।
यसैबीच सुवर्ण गाउँपालिकाका अध्यक्ष राजेश यादव, युवा नेता सतेन्द्र यादव लगायतले मृतकको घरमा पुगी परिवारलाई गाउँपालिकाको तर्फबाट रु.५० हजार सहयोग उपलब्ध गराउने घोषणा गर्नुभयो ।
प्रतिक्रिया राख्नुहोस्