लागु औषधसहित एक जना पक्राउ
कञ्चनपुर । कञ्चनपुर प्रहरीले लागु औषधसहित एक जनालाई पक्राउ गरेको छ ।
शनिबार दिउँसो वडा प्रहरी कार्यालय महेन्द्रनगर र अस्थायी प्रहरी बिट सालघारीबाट खटिएको प्रहरी टोलीले भीमदत्त नगरपालिका वडा नम्बर १८ सालघारीबाट २६ वर्षीय किशन दमाईलाई पक्राउ गरेको हो ।
नयाँ कटानको पक्की सडक खण्डमा शङ्कास्पद रूपमा उभिइराखेका दमाईलाई खानतलासी गर्दा ४७.५५ ग्राम लागु औषध (चरेस) बरामद गरिएको जिल्ला प्रहरी कार्यालय कञ्चनपुरका प्रहरी निरीक्षक लाल बहादुर बमले जानकारी दिनुभयो ।
प्रतिक्रिया राख्नुहोस्