सुख्खा पहिरो खस्दा पाल्पा– बुटवल सडक अवरुद्ध
पाल्पा । सुख्खा पहिरो खस्दा पाल्पा– बुटवल सडक अवरुद्ध भएको छ ।
सिद्धार्थ राजमार्ग अन्तर्गत पर्ने सडकको तिनाउ गाउँपालिका –५ कालीमाटीमा सोमबार दिउँसो १ बजे सुख्खा पहिरो खसेपछि सडक अवरुद्ध भएको हो ।
सडकमा ढुङ्गा र बाँसको झाडीसहित सुख्खा पहिरो खसेको हो । अहिले पाल्पादेखि बुटवलतर्फ जाने तथा बुटवलदेखि पाल्पातर्फ आउने सवारीसाधन सडकमै रोकिएका छन् । सडक पूर्ण रुपमा अवरुद्ध छ ।
सडक डिभिजन कार्यालयको एउटा जेसीबीले पहिरो पन्छाउने काम सुरु भएको जिल्ला ट्राफिक प्रहरी कार्यालय पाल्पाका प्रमुख दामोदर मल्लले जानकारी दिनुभयो ।
प्रतिक्रिया राख्नुहोस्