पनौतीस्थित त्रिवेणी घाटमा आजदेखि बाह्र वर्षे मकर मेला सुरु (फोटोफिचर)
काठमाडौँ । काभ्रेपलाञ्चोकको पनौतीस्थित त्रिवेणी घाटमा आजदेखि बाह्र वर्षे मकर मेला सुरु भएको छ ।
ऐतिहासिक, धार्मिक तथा पुरातात्त्विक क्षेत्र पनौतीमा बाह्र वर्षमा एक पटक लाग्ने मकर मेला आजदेखि सुरु भएको हो । यो मेला माघ महिनाभर लाग्दछ ।
त्रिवेणी घाटमा नुहाएर त्यहाँको जल हत्केलामा राखेर उत्तर पट्टी रहेको कुञ्जगिरी पर्वत अर्थात् गोरखनाथ डाँडास्थित गोरखनाथलाई चढाउँदा पुण्य मिल्ने र मनोकाङ्क्षा पूरा हुने जनविश्वास छ ।
पनौती नगरपालिकाले भक्तजन र दशर्नार्थीको सहजतालाई ध्यानमा राखी पनौती त्रिवेणी घाट स्थलको भौतिक पूर्वाधारदेखि मठमन्दिरको जीर्णोद्धार तथा रङ्ग रोगन गरी मेला स्थललाई बेहुली झैँ सिँगारेको छ ।
नगरपालिकाले मकर स्नानका लागि लीलावती र पुण्यमाता खोलाको पानी कुलोमार्फत बाहिर फालेर पिउनयोग्य तथा स्नान गर्न मिल्ने बनाएको छ ।
पछिल्लो समय कोरोना सङ्क्रमण पुनः बढ्न थालेपछि कम सङ्ख्यामा भक्तजनको उपस्थिति गराइ स्नान गरी दर्शन गर्न पाउने व्यवस्था मिलाइएको छ ।
त्रिवेणी घाटमा माघ महिनाभर लाग्ने मकर मेला भर्न अहिले पनौती आसपाससँगै छिमेकी देश भारतबाट भारतीय तीर्थालुहरु आएका छन् ।
तस्बिर : सामाजिक सञ्जाल
प्रतिक्रिया राख्नुहोस्