२०७८ साल मंसिर २३ गते बिहीबार

तपाईँ सुन्दै हुनुहुन्छः

दुई वटा ट्रकमा २ सय ७७ बोतल कोरेक्स भेटियो, चार जना पक्राउ

ध्रुव अधिकारी २०७८ मंसिर ९ गते १६:१९

बीरगंज । पर्सा प्रहरीले अवैध रुपमा भारतबाट दुई वटा ट्रकमार्फत नेपालतर्फ ल्याइरहेको अवस्थामा गए राति २ सय ७७ बोतल लागु औषध कोरेक्ससहित चार जनालाई पक्राउ गरेको छ । 

जिल्ला प्रहरी कार्यालय पर्साबाट खटिएको टोलीले वीरगंज आइसिपी भन्सार नाका हुँदै परवानीपुरतर्फ गइरहेको अवस्थामा बा.३ ख ८८०८ नम्बरको मिनी ट्रकलाई चेकजाँच गर्ने क्रममा ट्रकको चालक बस्ने सिटमुनि बोराभित्र लुकाइछिपाई ल्याएको अवस्थामा अवैध लागु औषध कोरेक्स ५४ बोतल र सोही समयमा ना.५ ख ६८७७ नम्बरको ट्रक समेत चेकजाँच गर्दा चालक बस्ने सिटमुनि नै बोराभित्र लुकाइछिपाई ल्याएको अवस्थामा २ सय २३ बोतल कोरेक्स गरी जम्मा २ सय ७७ बोतल लागु औषध कोरेक्ससहित ट्रकका चालक र सहचालक गरी चार जनालाई पक्राउ गरिएको जिल्ला प्रहरी कार्यालय पर्साका प्रहरी नायव उपरीक्षक एवं प्रवक्ता ओम प्रकाश खनालले जानकारी दिनुभयो । 

पक्राउ पर्नेहरूमा मकवानपुर जिल्ला मनहरी गाउँपालिका वडा नम्बर ७ निवासी ३५ वर्षीय अनुप बर्तौला, हेटौँडा उपमहानगरपालिका वडा नम्बर ७ बस्ने ४५ वर्षीय राजु बस्नेत, झापा जिल्ला मेची नगरपालिका वडा नम्बर १ बस्ने गोपाल थापा र हेटौडा उपमहागनरपालिका वडा नम्बर ६ बस्ने ३१ वर्षीय प्रमोद श्रेष्ठ रहेका छन् । 

लागु औषधसहित दुई वटै ट्रक र अभियुक्तहरूलाई नियन्त्रणमा लिई अवैध लागु औषध सम्बन्धी कसुरमा कारबाही प्रक्रिया अगाडी बढाइएको प्रहरी प्रवक्ता खनालले बताउनुभयो ।

सम्बन्धित