हेटौँडा अस्पताललाई ६० लाख बराबरको स्वास्थ्य सामग्री सहयोग
मकवानपुर । मदन भण्डारी स्वास्थ्य विज्ञान प्रतिष्ठानद्वारा सञ्चालित हेटौँडा अस्पताललाई दुई वटा भेण्टीलेटरसहित करिब ६० लाख बराबरको स्वास्थ्य सामग्री सहयोग प्राप्त भएको छ ।
कोरोना महामारीमा उपचार गर्न सहज होस भन्ने उद्देश्यका साथ बुद्धिस्ट चुची फाउन्डेसनले अस्पताललाई भेण्टीलेटरसहित स्वास्थ्य सामग्री सहयोग गरेको हो ।
फाउन्डेसनका नेपाल प्रतिनिधि महेश नकर्मीले भेण्टीलेटरसहतिका स्वास्थ्य सामाग्री बागमती प्रदेशका स्वास्थ्य मन्त्री प्रदीप कटुवाललाई हस्तान्तरण गर्नुभएको हो ।
कार्यक्रममा मन्त्री कटुवालले कोरोनाकै कारण स्वास्थ्य क्षेत्रमा निकै सुधार भइरहेको बताउनुभयो ।
सहयोगमा आएको ६० लाखको सामाग्री राख्ने मात्र नभई प्रयोगमा ल्याइने बताउनुभयो । कोभिडलाई अवसरको रुपमा बदल्न प्रदेश सरकार तयार रहेको उहाँले बताउनुभयो ।
कार्यक्रम प्रतिष्ठानका उपकुलपति डा.विश्वराज जोशीको अध्यक्षतामा भएको हो ।
फाउन्डेसनले भेन्टिलेटरसहित ग्लोब, मास्क र अन्य मेडिकल सामाग्री गरी ६० लाख बराबरको सामग्री हस्तान्तरण गरेको हो ।
प्रतिक्रिया राख्नुहोस्