२०७८ साल मंसिर २३ गते बिहीबार

तपाईँ सुन्दै हुनुहुन्छः

चार देशका राजदूतद्वारा ओहोदाको प्रमाणपत्र पेस

रेडियो नेपाल २०७८ कार्तिक ५ गते १६:२०
राष्ट्रपतिसमक्ष ओहदाको प्रमाणपत्र पेश गर्दै ब्राजिलका आवासीय राजदूत

काठमाडौँ । राष्ट्रपति विद्यादेवी भण्डारीसमक्ष नेपालका लागि ब्राजिल, इटाली, माल्टा र दक्षिण अफ्रिकाका नवनियुक्त राजदूतले आ–आफ्नो ओहोदाको प्रमाणपत्र पेस गर्नुभएको छ । 

राष्ट्रपति भवन, शीतल निवासमा आज अपराह्न आयोजित विशेष समारोहमा नेपालका लागि ब्राजिलका आवासीय राजदूत कार्लोस अल्वेर्टो माइकल्सेन डेन हार्टोगसहित इटाली, माल्टा र दक्षिण अफ्रिकाका गैरआवासीय राजदूतहरू क्रमशः भिन्चेञ्जो डि लुक्का, रुबिन गाउची र जोएल सिबुसिसो एन्डेबेलेले आ–आफ्नो ओहोदाको प्रमाणपत्र प्रस्तुत गर्नुभएका हो । 

त्यस अवसरमा परराष्ट्रमन्त्री डा नारायण खड्का, प्रधानसेनापति प्रभुराम शर्मा, राष्ट्रपतिको कार्यालय र परराष्ट्र मन्त्रालयका उच्च अधिकारीहरूको उपस्थिति थियो ।

राष्ट्रपतिसमक्ष ओहदाको प्रमाणपत्र पेश गर्दै इटालीका गैरआवासीय राजदूत
राष्ट्रपतिसमक्ष ओहदाको प्रमाणपत्र पेश गर्दै माल्टाका गैरआवासीय राजदूत
राष्ट्रपतिसमक्ष ओहदाको प्रमाणपत्र पेश गर्दै दक्षिण अफ्रिकाका गैरआवासीय राजदूत
राष्ट्रपति कार्यालयद्वारा जारी विज्ञप्ति

सम्बन्धित