२०७८ साल मंसिर २३ गते बिहीबार

तपाईँ सुन्दै हुनुहुन्छः

कर्णाली प्रदेश सरकारले बाढी पहिरोबाट मृत्यु भएकालाई दुई लाख दिने

आकाश तारा बयक २०७८ कार्तिक ५ गते १५:०८

सुर्खेत ।  कर्णाली प्रदेश सरकारले बाढी पहिरोबाट मृत्यु भएकालाई दुई लाख रुपैयाँ दिने घोषणा गरेको छ । 

प्रदेश सरकारको आज बसेको विपद् व्यवस्थापन परिषद्को बैठकले बाढी, पहिरो लगायतका बिपद्मा परेर मृत्यु भएका परिवारका सदस्यलाई दुर्घटना बीमाबापत दुई लाख रुपैयाँ दिने घोषणा गरेको हो । 
पछिल्लो पटक बेमौसमी वर्षातसँगै आएको बाढी पहिरोबाट कर्णालीमा आठ जनाको मृत्यु हुनुका साथै चार जना घाइते भएका थिए । 

मुख्यमन्त्री महेन्द्रबहादुर शाहीको अध्यक्षतामा बसेको बैठकले सामूहिक विपद् दुर्घटना बीमा अन्तर्गत राहत रकम उपलब्ध गराउने निर्णय भएको हो । 

प्रदेशका प्रमुख सचिव राजकुमार श्रेष्ठले बैठकमा कृषकलाई अन्नबालीको क्षतिपूर्ति व्यवस्था गर्ने निर्णय भएको जानकारी दिनुभयो । 

उहाँले बेमौसमी वर्षातबाट अन्नबालीमा भएको क्षतिको यकिन विवरण सङ्कलन गरी कृषकलाई क्षतिपूर्तिको व्यवस्थापन गर्ने निर्णय भएको बताउनुभयो । 

उहाँका अनुसार विपद्मा परेर घाइते भएकाहरूको उपचार खर्च प्रदेश सरकारले बेहोर्ने व्यवस्था मिलाउने निर्णय भएको छ । 

सम्बन्धित