नारायणी नदीको पुलबाट हाम फालेर एक पुरुष बेपत्ता
चितवन । नारायणी नदीको पुलबाट हाम फालेर एक पुरुष बेपत्ता भएका छन् ।
अन्दाजी ५५ वर्षका पुरुष गैँडाकोटतर्फ हिँडेर आएको र पुलको बीच बिन्दुबाट हाम फालेर बेपत्ता भएको स्थानीयलाई उद्धृत गर्दै प्रहरीले जानकारी दिएको छ ।
वडा प्रहरी कार्यालय नारायणगढका प्रमुख प्रहरी निरीक्षक रघुसिंह विष्टले बिहान ९ बजेर ५० मिनेटको समयमा ती पुरुष हाम फालेर बेपत्ता भएको बताउनुभयो ।
“बिहान स्थानीय र मोटर बोट वाला र गैँडाकोटका एक स्थानीयले खबर गरे, उहाँले भन्नुभयो, हामीले तत्काल राफ्टबाट उद्धार गर्न लाग्यौँ तर फेला परेन ।”
पानीको बहाव आइतबारबाट बढेको र धमिलो पनि भएकोले हालसम्म उद्धार कार्य जारी भए पनि फेला नपरेको विष्टले बताउनुभयो ।
उहाँले पुलमाथि टोपी, गञ्जी र २ हजार तीन सय नगद छाडेको तर अन्य परिचय खुल्ने कुनै प्रमाण फेला नपरेको उहाँले जानकारी दिनुभयो ।
प्रतिक्रिया राख्नुहोस्