निर्वाचन आयोग र सभामुखविरुद्ध परेको छुट्टा–छुट्टै तीन रिटमा आज सुनुवाई हुँदै
काठमाडौं।नेकपा एमालेका अध्यक्ष केपी शर्मा ओलीले माधवकुमार नेपाल सहित १४ सांसदलाई गरेको कारबाही कार्यान्वयनको माग गर्दै दायर गर्नुभएको रिटमा आज सुनुवाई हुदैछ ।
सो मुद्दा सर्वोच्च अदालतमा न्यायाधीश द्वय दीपककुमार कार्की र कुमार चुडालको इजलासमा सुनवाईका लागि पेशी तोकिएको छ ।
निर्वाचन आयोग, सभामुखविरुद्ध दायर भएको छुट्टा–छुट्टै तीन वटा रिटमध्ये दुई वटा रिटमा आज अन्तरिम आदेश दिने÷नदिने विषयमा बहस हुनेछ ।
सो मुद्दामा यसअघि भदौ २२ गते कारण देखाऊ आदेश जारी गर्दै त्यसयता अन्तरिम आदेश दिने÷नदिने विषयमा छलफल गर्ने भनिए पनि भदौ २८ गते पेशी तोकेर हेर्न नभ्याइने सूचीमा परेको थियो ।
नेकपा एमालेले १४ जना सांसदलाई कारबाही गरेपछि सभामुखले सांसद पद निलम्बन नगरेको भन्दै अध्यक्ष ओलीले सभामुख अग्नि प्रसाद सापकोटाविरुद्ध रिट दायर गर्नुभएको थियो ।
प्रतिक्रिया राख्नुहोस्