गण्डकी प्रदेश सभाका २ समितिमा थापा र लामिछाने
पोखरा । गण्डकी प्रदेश सभामा सार्वजनिक लेखा समिति सभापतिमा एमाले सांसद रोशनबहादुर गाहा थापा र विधायन समितिको सभापतिमा नेपाली काँग्रेसका सांसद विष्णुप्रसाद लामिछाने निर्वाचित हुनुभएको छ ।
दुवै समितिको सभापतिका लागि अरू कसैको उम्मेदवारी नपरेपछि उहाँहरू सर्वसम्मत निर्वाचित हुनुभएको हो । सार्वजनिक लेखा समितिमा गाहा थापालाई सभापतिको प्रस्ताव काँग्रेसकी प्रमुख सचेतक ओमकला गौतम चालिसे र समर्थन माओवादी प्रमुख सचेतक गायत्री गुरुङले गर्नुभएको हो ।
यसैगरी विधायन समितिको सभापतिमा लामिछानेलाई सभापतिमा एमाले सांसद राजीव पहारी र जनमोर्चाकी पियारी थापाले समर्थन गर्नुभएको थियो ।
प्रतिक्रिया राख्नुहोस्