पाल्पामा थप ३३ सङ्क्रमित निको
पाल्पा । पाल्पामा आज थप ३३ जना कोरोना सङ्क्रमित निको भएका छन् ।
निको हुनेमा १७ जना महिला र १६ जना पुरुष रहेको स्वास्थ्य कार्यालय पाल्पाले जनाएको छ । आजै पिसिआर परीक्षणमा ३ र एन्टिजिनमा ९ नयाँ कोरोना सङ्क्रमित थपिएका छन् ।
जिल्लामा हाल ४ सय १२ जना कोरोनाका सक्रिय सङ्क्रमित रहेका छन् । केही दिन यता पाल्पामा कोरोनाको सक्रिय सङ्क्रमित बढ्दै गएको स्वास्थ्य कार्यालयले जनाएको छ ।
पाल्पामा हालसम्म कोरोनाका कारण १ सय २५ जनाको निधन भइसकेको छ । आज थप एक जनाको निधन भएको स्वास्थ्य कार्यालय पाल्पाका सूचना अधिकारी ओमप्रकाश पन्थीले जनाकारी दिनुभयो ।
पाल्पामा कुल कोरोना परीक्षण पश्चात् संक्रमण देखिएको सङ्ख्या ८ हजार ३ सय ६९ पुगेको छ भने निको हुनेको सङ्ख्या ७ हजार ८ सय ४६ पुगेको छ ।
प्रतिक्रिया राख्नुहोस्