१ लाख २४ हजार भारतीय नोटसहित दुई जना पक्राउ
सुनसरी । मोरङ विराटनगर महानगरपालिका १७ मटेरुवा चोकस्थित अस्थायी प्रहरी पोष्ट मटेरुवाबाट खटिएको प्रहरी टोलीले भारतीय नोटसहित दुई जनालाई पक्राउ गरेको छ ।
पक्राउ पर्नेमा भारत जोगमुनी अहमदपुर १६ बस्ने ३० वर्षीय मो. ईमरान र सोही स्थानका २० वर्षीय मो. कुबेर रहेका छन् ।
भारतबाट नेपाल आउँदै गरेका उनीहरूको साथबाट प्रहरीले आज दिउँसो पौने १२ बजे भारतीय नोट २००० को ७ थान, ५०० को १ सय ९४ थान, २०० को ४७ थान, १०० को ३६ गरी जम्मा भारतीय १ लाख २४ हजार बरामद गरेको छ ।
पक्राउ परेका उनीहरूलाई इलाका प्रहरी कार्यालय रानीमा लगि थप अनुसन्धान भइरहेको छ ।
प्रतिक्रिया राख्नुहोस्