रेडक्रसको पहलमा रक्त सञ्चार सेवाकेन्द्र सञ्चालन
रोल्पा । रोल्पाको रोल्पा अस्पताल रेउघामा रक्तसञ्चार सेवाकेन्द्र सञ्चालनमा आएको छ । साउन ८ गते शुक्रवारबाट रक्त सञ्चार सेवा केन्द्र सञ्चालनमा आएको रोल्पा अस्पतालले बताएको छ ।
रोल्पाका १० स्थानीय नगर तथा गाउँपालिकाको आर्थिक सहयोग तथा नेपाल रेडक्रस सोसाइटी जिल्ला शाखा रोल्पाको विशेष पहलमा रक्त सञ्चार सेवाकेन्द्र सञ्चालनमा आएको हो ।
ब्लड बैङ्क सञ्चालनको लागी नेपाल रेडक्रस सोसाइटी जिल्ला शाखा र रोल्पा अस्पतालले १–१जना ल्याब टेक्निसियन नियुक्त गरी खटाइएका छन् । रगतको आवश्यकता भए बिरामीले निःशुल्क रगत प्रयोग गर्न पाउने छन् ।
प्रतिक्रिया राख्नुहोस्