२०७८ साल असोज २ गते शनिबार

तपाईँ सुन्दै हुनुहुन्छः

बेवारिसे शवको अझै सनाखत हुन सकेन

हरिश्चन्द्र बाग २०७८ साउन ९ गते ९:४२

कञ्चनपुर। कञ्चनपुरको वेदकोट नगरपालिका वडा नम्बर २ स्थित बैजनाथ मध्यवर्ती सामुदायिक वनमा सडे गलेको अवस्थामा बिहीबार साँझ फेला परेको बेवारिसे शवको अझै सनाखत हुन सकेको छैन । 

अन्दाजी ३०/४० वर्ष उमेर हुन सक्ने पुरुष व्यक्तिको शव फेला परेको थियो । भेटिएको शवको हालसम्म सनाखत हुन नसकेको कञ्चनपुर प्रहरीले बताएको छ। अन्दाजी ५ फिट उचाइ, शरीरको तल्लो भागमा कालो निलो रङको पाइन्ट, माथिल्लो भागमा खैरो रङको फुलगाला, फुलबाहुला (हाइनेक) भेष्ट भएको शवको हुलिया रहेको प्रहरीले जनाएको छ ।

उक्त शवको घटनास्थल लास जाँच मुचुल्का समेतको कार्य गरी पोस्टमार्टम तथा सनाखतको लागि महाकाली प्रादेशिक अस्पतालको शव गृहमा राखिएको कञ्चनपुर प्रहरी प्रवक्ता एवं प्रहरी नायव उपरीक्षक सिद्धराज न्यौपानेले जानकारी दिनुभयो ।

सम्बन्धित