२०७९ साल असार १८ गते शनिबार

तपाईँ सुन्दै हुनुहुन्छः

निर्माणाधीन पर्खाल भत्किँदा दुई जनाको मृत्यु

रेडियो नेपाल २०७७ फागुन १ गते १९:०१

दार्चुला । दार्चुलामा निर्माणाधीन विद्युत्को नहरको पर्खाल भत्किँदा दुई जनाको मृत्यु भएको छ । अपि हिमाल गाउँपालिका वडा नं ६ मज्जेमा निर्माणाधीन मज्जे खोला लघु जलविद्युत् योजनाको पर्खाल निर्माण गर्ने क्रममा आज दुई जना मजदुरको मृत्यु भएको हो ।

एक सय किलोवाट क्षमताको मज्जेखोला निर्माणाधीन जलविद्युत् योजनाको नहर भत्किँदा मार्मा–१ का ४५ वर्षीय बलदेवसिंह महरा र अपि हिमाल गाउँपालिका–६ का ४० वर्षीया गौमती धामीको घटनास्थलमै मृत्यु भएको गौरीशङ्कर आधारभूत विद्यालयका शिक्षक भगतसिंह धामीले जानकारी दिनुभयो ।

सो जलविद्युत् वैकल्पिक ऊर्जा प्रवर्द्धन केन्द्र, सङ्घ, प्रदेश र स्थानीय सरकारको सहयोगमा जलविद्युत् निर्माण भइरहेको हो । घटनाको थप अनुसन्धानका लागि इलाका प्रहरी कार्यालय लटिनाथबाट प्रहरी निरीक्षक कमलबहादुर विष्टको नेतृत्वमा प्रहरी टोली खटिएको जिल्ला प्रहरी कार्यालय दार्चुलाले जनाएको छ ।

रासस

सम्बन्धित