मत गणना जारी : बाइडनको अग्रता कायमै, ट्रम्पद्वारा अझै जीतको दाबी
वासिङ्टन डिसी । अमेरिकी राष्ट्रपति डोनाल्ड ट्रम्पले मत गणना जारी रहेपनि आफूले जितेको दाबी गर्नु भएको छ ।राष्ट्रपति ट्रम्पले हुलाकबाट आएको मतदानमा व्यापक अनियमितता भएको आरोप समेत लगाउनु भएको छ ।
ट्रम्पले उक्त आरोपको समर्थनमा कुनै प्रमाण भने दिनु भएको छैन ।
राष्ट्रपति ट्रम्पले यो चुनावको अन्तिम फैसल्ला न्यायालयबाट आउन सक्ने पनि बताउनु भएको छ ।
अहिले एरिजोना, जर्जिया निभाडा, पेन्सिलभिनिया लगायतका महत्त्वपूर्ण राज्यहरूमा हुलाकबाट आएको मतदानको गणना भइरहेका छ ।
यसैबीच, डेमोक्राटिक पार्टीका उम्मेदवार जो बाइडनले शान्ति र संयमताको कामना गर्नु भएको छ ।
७ करोड १५ लाख मत ल्याएर सर्वाधिक मतको इतिहास रच्नु भएका बाइडनको अग्रता निरन्तर बढी रहेको बिबिसीले उल्लेख गरेको छ ।
प्रतिक्रिया राख्नुहोस्