सांसद सानु शिवा पहाडीको निधन : प्रधानमन्त्रीद्वारा दुःख व्यक्त

काठमाडौं । संघीय सांसद सानु शिवा पहाडीको निधन भएको छ । नेकपाको तर्फबाट प्रतिनिधिसभा सदस्य रहनुभएकी पहाडी संस्कृतिकर्मी तथा गायिकासमेत हुनुहुन्थ्यो ।

लामो समयदेखि मिर्गौला र मुट रोगबाट पीडित पहाडी  केही दिनदेखि बिरामी हुनुहुन्थ्यो । पहाडी लामो समयदेखि जनसांस्कृति महासंघमा आबद्ध रही गीति यात्रामा हुनुहुन्थ्यो । ताप्लेजुङमा जन्मिनुभएकी उहाँको केहीबर्ष अघि दुवै मिर्गौलाले काम गर्न छाडेपछि प्रत्यारोपण गरिएको थियो । त्यसपछि उहाँमा मुटको रोगसमेत थपिएको थियो ।

प्रधानमन्त्री केपी शर्मा ओलीले सांसद पहाडीको निधनले दुखी भएको भन्दै ट्विटमार्फत श्रद्धाञ्जली दिनुभएको छ ।