२०७९ साल असोज ११ गते मंगलबार

तपाईँ सुन्दै हुनुहुन्छः

पाँच करोडको लगानीमा फुटबल प्रशिक्षण प्रतिष्ठान सञ्चालन हुने

निशेष राई २०७७ साउन ३ गते १९:२६

झापा । पाँच करोड रुपैयाँको लगानीमा झापामा फुटबल प्रशिक्षण प्रतिष्ठान सञ्चालनमा आउने भएको छ ।

आज झापाको बिर्तामोड स्थित डोमालाल राजवंशी रंगशालामा पत्रकार भेटघाट कार्यक्रमको आयोजना गरेर झापा ११ ले एकाडमी सञ्चालनमा आउने जानकारी दिएको हो ।

झापा–११ फुटबल क्लबले ‘एकेडेमी’ सञ्चालनमा ल्याउन लागेको क्लबका अध्यक्ष जलकुमार गुरुङले बताउनुभयो ।

प्रशिक्षक, खेलाडी तथा प्राविधिकसँगको परामर्शपछि एकाडमी सञ्चालनको तयारी सुरु गरिएको हो ।

क्लबलाई आगमी दिनमा अझ मजबुद बनाउन तथा खेलाडी उत्पादनको उद्देश्य राखेर एकाडमी सञ्चालन गर्न लागिएको अध्यक्ष गुरुङले बताउनुभयो ।

‘एकाडमी नहुँदा क्लबका लागि खेलाडीको अभाव र खेलाडी उत्पादन गर्न सम्भव नभएकाले झापा ११ ले एकाडमी सञ्चालन गर्न लागेको हो ।

त्यसका लागि प्रशिक्षकसँग पनि सल्लाह गरिएको छ ।

लिग विजेता मच्छिन्द्र क्लबका मुख्य प्रशिक्षक प्रवेश कटवालले एकाडमी स्थापना भएपछि खेलाडीमा थप हौसला प्राप्त हुने र प्रशिक्षण पनि राम्रो हुने बताउनुभयो ।

सम्बन्धित