जोखिम कम नभएको हुनाले सावधानी अपनाउन अनुरोध
स्वास्थ्य तथा जनसंख्या मन्त्रालयले नेपालमा कोरोना संक्रमितको संख्या घट्दै गएपनि संक्रमणको जोखिम कम नभएको हुनाले आवश्यक सावधानी अपनाउन सबैसंग अनुरोध गरेको छ ।
मन्त्रालयका प्रवक्ता प्रा.डा. जागेश्वर गौतमले आज नियमित मिडिया व्रिफिङमा काठमाडौ लगायतका सहरी क्षेत्रमा बढ्दै गएको भिडले जनस्वास्थ्य सुरक्षामा थप जोखिम बढ्दै गएको बताउनुभयो ।
प्रवक्ता प्रा.डा.गौतमले कोरोना विरूद्धको लडाई जारी नै रहेको हुनाले अत्यावश्यक अवस्थामा बाहेक घर बाहिर ननिस्कन र सबैले सजगता अपनाउन आग्रह गर्नुभयो ।
आवाज…..
प्रवक्ता प्रा.डा. गौतमले मन्त्रालयको अध्ययन तथा विभिन्न स्थानमा गरिएको परीक्षणले काठमाडौमा समुदायमा संक्रमण फैलिएको नदेखिएको समेत स्पष्ट पार्नुभयो ।
मन्त्रालयले अध्ययनका लागि विभिन्न स्थानबाट लिएको ४ हजार ८ सय नमुना परीक्षण गर्दा जम्मा ३ जनामा संक्रमण पुष्टि भएको र उनीहरू समेत व्यक्तिगत असावधानीका कारण संक्रमित हुन पुगेको प्रवक्ता प्रा.डा. गौतमले बताउनुभयो ।
प्रतिक्रिया राख्नुहोस्