२०७९ साल असोज १३ गते बिहीबार

तपाईँ सुन्दै हुनुहुन्छः

डडेल्धुरामा २६ करोड बढी राजश्व संकलन

लक्ष्मी ऐर २०७७ साउन १ गते १७:४९

डडेल्धुरा । आन्तरिक राजस्व कार्यालय डडेल्धुराले आर्थिक वर्ष २०७६÷०७७ मा २६ करोड ४३ लाख रुयैया राजस्व संकलन गरेको छ ।

असार मसान्त अर्थात ३१ गते मात्रै एक करोड १६ लाख रुपैया राजस्व संकलन भएको आन्तरिक राजस्व कार्यालय डडेल्धुराले जनाएको छ ।

असार महिनाभरी ७ करोड ८ लाख रुपैया राजस्व संकलन गरेकोमा आर्थिक वर्षभरी २६ करोड ४३ लाख राजस्व संकलन गरिएको आन्तरिक राजस्व कार्यालय डडेल्धुराले सार्वजनिक गरेको छ ।

सुदुरपश्चिमका पहाडी जिल्लाहरु डडेल्धुरा, बैतडी, दार्चुला, बझाङ, डोटी र अछाम जिल्ला हेर्ने गरि २०७५ सालमा डडेल्धुरा जिल्लामा करदाता सेवा कार्यालयको स्थापना भएको थियो ।

आर्थिक वर्ष २०७६/०७७ असार मसान्त सम्म २५ हजार ७ सय ११ जना करदाता दर्ता भएका छन । जसमा आयकरमा १२ हजार ४२ जना, भ्याटमा १ हजार १ सय ९६ जना, अन्तशुल्कमा १ हजार ४ सय ४ जना, व्यक्तिगत प्यानमा ११ हजार १४ जना र संस्थागत प्यान (सरकारी कार्यालय) ५ गरी २५ हजार ७ सय ११ वटा करदाता राजस्व कार्यालय डडेल्धुरामा दर्ता भएका छन् ।

सम्बन्धित