पर्वतको दुर्लुङमा पहिरोः वेपत्ता ८ जनाको शव फेला

पर्वत । पर्वतको कुश्मा नगरपालिका ३ दुर्लुङमा पहिरोमा पुरिएका ८ जनाको शव फेला परेको छ । एक जना अझै बेपत्ता छन् ।

गएराती ८ बजे भीषण वर्षा संगै आएको पहिरोमा पुरिएको दुई घरका ९ जना मध्ये अहिले सम्म ५८ वर्षिय तुलवहादुर थापा, ५७ वर्षिय मीनाकुमारी थापा, ३४ वर्षिय दिर्पा थापा, १४ वर्षिय विवेक थापा, ४ वर्षिय विविसा थापा र ११ वर्षिय सम्राट थापाको शव फेला परेको छ । त्यस्तै ३० वर्षिय कमला विक र कमलाका छोरी ८ वर्षिय जेनिसा विकको पनि शव भेटिएको छ ।

पहिरोमा पुरिएर बेपत्ता भएका कमला विकका १२ वर्षिय छोरा जेनिस विकको खोजी कार्य जारी रहेको प्रमुख जिल्ला अधिकारी शम्भुप्रसाद रेग्मीले जानकारी दिनुभयो ।

पहिरोमा बेपत्ता भएका ३ जनाको हिजो बेलुका नै शव फेला परेको थियो भने विहान बाट खोजी गर्दै जाँदा अहिले सम्म थप ५ जनाको शव फेला पारिएको रेग्मीले बताउनुभयो । वेपत्ताको खोजीमा जिल्ला प्रहरी कार्यालय, ससस्त्र प्रहरी गण, नेपाली सेना सहित स्थानीय जुटिरहेका छन् ।

घर भन्दा १ किलोमिटर माथिवाट आएको लेदो पहिरोले दुई पुर्नाका साथै ५ वटा घरमा क्षती पुर्याएको छ । पहिरोले करिव २० घर जोखिममा रहेको कुश्मा नगरपालिकाका नगरप्रमुख जोशीले बताउनुभयो । घटनाका कारण सिंगो गाउँ शोकमग्न छ ।