तपाईँ सुन्दै हुनुहुन्छः

पूर्वखोला गाउँपालिकाद्वारा पिसिआर किट खरिद, क्वारेनटाइनमा रहेकाको परीक्षण हुने

पाल्पा । पाल्पाको पूर्वखोला गाउँपालिकाले पिसिआर चेक गर्नको लागि आफ्नै खर्चमा भिटिएम (स्वाब सङ्कलन गर्ने किट) खरिद गरेको छ ।

योसँगै गाउँपालिका भित्र क्वारेनटाइनमा रहेका सबैको पिसिआर परीक्षण हुने भएको छ ।

गाउँपालिकाले भारतलगायत तेस्रो मुलुकबाट फर्किएका आफ्ना नागरिक र फ्रण्टलाइनमा कार्यरत स्वास्थ्यकर्मी, सुरक्षा कर्मीको कोरोना परीक्षण गर्नको लागि आफ्नै लगानीमा किट खरिद गरिएको प्रमुख नुनबहादुर थापाले जानकारी दिनुभयो ।

पालिकाले स्वाब सङ्कलन गरी परीक्षणको लागि प्रदेश जनस्वास्थ्य प्रयोगशालामा पठाएको छ । प्रति गोटा रु.३५० मा किट खरिद गरिएको पालिकाले जनाएको छ ।

अहिले पाल्पामा भारत लगायतका मुलुकबाट आएका नागरिकहरूमा कोरोनाको सङ्क्रमण देखिएको छ, ।

पाल्पामा हालसम्म २१ जनामा कोरोना सङ्क्रमण पुष्टि भएको छ भने एक जनाको मृत्यु भएको छ ।

प्रतिक्रिया राख्नुहोस्

Back to top button