दुई सातादेखि हराई रहेका रावत मृत्त फेला

सल्यान । दुई सातादेखि हराई रहेका जाजरकोटका एक जना युवा सल्यानमा मृत्त फेला परेका छन् ।

जाजरकोट जुनिचादे गाउँपालिका ८ का २३ वर्षिय धन बहादुर रावत जिल्लाको बनगाड कुपिण्डे नगरपालिका १ साङटाखोलामा शव फेला परेको जिल्ला प्रहरी कार्यालय सल्यानले जनाएको छ ।

बनगाड कुपिण्डे नगरपालिका १ बुरेलीमा केही महिनादेखि मजदुरी गर्दै आइरहेका रावत गत चैत ९ गतेदेखि हराएका थिए । परिवारले हराएको सूचनाको आधारमा खोजी गर्ने क्रममा सोमबार सडेको अवस्थामा शव फेला परेको प्रहरीको भनाई छ ।

आफन्तले कपडाको आधारमा उनलाई चिनेको र मृत्तक रावतको पोष्टमार्टमका लागि सल्यान जिल्ला अस्पताल ल्याइदै गरेको प्रहरीले जनाएको छ ।

घटनाका बारेमा अनुसन्धान भइरहेको प्रहरीले जनाएको छ ।