धादिङमा चट्याङ लागेर एक जनाको मृत्यु

धादिङ-धादिङमा चट्याङ लागेर एक जनाको मृत्यु भएको छ । जिल्लाको खनियाबास गाउँपालिका वडा नं २ गोरगाङमा बुधबार लागेको चट्यानले ४२ वर्षीय रामसिंह तामाङको मृत्यु भएको प्रहरी नायव उपरीक्षक रुपक खड्काले जानकारी दिए ।

आफ्नै घरमा बसिरहेका बेला तामाङलाई हावाहुरीसहित आएको चट्याङ लागेको हो ।  चट्याङ लागेर खनियाबास गाउँपालिका वडा नं २ थलीटोलमा पार्वती तामाङ र मनकुमारी तामाङ घाईते भएका छन् । घाईतेहरुको स्थानिय स्वास्थ्य संस्थामा उपचार भईरहेको छ ।