कोरोना संक्रमित युवतीसंगै आएका स्याङ्जाका युवामा कारोना भेटिएन

स्याङ्जा । कतार एयरवेजमा आएकी कोरोना संक्रमित युवतीसगै आएका फेदिखोलाका युवाको स्वाब परिक्षण नेगेटीभ आएको छ । कतार एयरवेजमा आएका युवाको श्रीमतिलाई ज्वरो आएपछि स्वाब परिक्षणको लागि नमुना लिइएको थियो । युवा र श्रीमतिको नमुना लिइएकोमा दुबैको परिक्षण नेगेटिभ आएको प्रमुख जिल्ला अधिकारी राम बहादुर कुरुम्बाङले बताउनुभयो । कतार एयरवेजमा कोरोना संक्रमित युवती सगै छ जना आएकोमा अन्य पाचँ जना स्वास्थ्यकमीको निगरानीमा क्वारेन्टाइनमा रहेका छन् ।

चैत्र ४ गते कतार एयरवेजको क्यु आर ६५२ मा फ्रान्सबाट आएकी कोरोनो संक्रमित युवतीसगै आएका स्याङ्जाका छ जना क्वारेन्टाइन छन् । छ जना मध्ये एक जना फेदिखोला, एक जना पुतलीबजारमा पालिकाले निर्माण गरेको ठाउँमा क्वारेन्टाईमा बसेका हुन् भने एक जना रुपन्देही र तिन जना पोखरामा होम क्वारेन्टाईनमा बसेका प्रहरीले जनाएको छ ।