दाङमा तीन सय बढी सवारी साधन नियन्त्रणमा

घोराही । दाङ प्रहरीले लकडाउन अबज्ञा गरेको भन्दै तीन सय बढी सवारीका साधन नियन्त्रण गरको जनाएको छ । लकडाउनको समयमा जथाभाबी सवारीका साधन सञ्चालन गरेको भन्दै दाङ प्रहरीले तीन सय ५० वटा सवारीका साधन नियन्त्रण गरेको हो ।

जिल्ला प्रहरी कार्यालय दाङका अनुसार पहिलो दिन सबैभन्दा धेरै मोटरसाइकल नियन्त्रणमा लिएको छ । प्रहरीले दुई सय ७३ वटा मोटरसाइकल, ३६ वटा ट्रक नियन्त्रणमा लिएको छ । यस्तै सानो गाडी १३, अटो र टिप्पर १०÷१० वटा नियन्त्रणमा लिएको जिल्ला प्रहरी कार्यालय दाङका प्रहरी प्रबक्ता डिएसपी सुमित खड्काले जानकारी दिनुभएको छ ।

यसैगरी प्रहरीले ट्याक्टर ७ वटा र एउटा बस पनि नियन्त्रणमा लिएको जनाएको छ । यस्तै भोली पनी लकडाउनको अबज्ञा गर्ने मानिसलाई पक्राउ गर्ने जिल्ला प्रहरी कार्यालय दाङले जनाएको छ ।